ඊලාම් කොඩිය ගත් වර්ධරාජා ගෝඨාභයට ශ්‍රී ලංකා ධජය සමඟ සම්බන්ධන් සජිත්ට

Click to
follow

ඊලාම් කොඩිය එස වූ වර්ධරාජා පෙරුමාල් ගෝඨාභයට එකතුවෙද්දී ශ්‍රී ලංකා ධජය එස වූ සම්බන්ධන් සජිත් ප්‍රේමදාස මහතාට එකතු වුණ බව මුදල් අමාත්‍ය මංගල සමරවීර මහතා පැවසීය.

දෙමළ ජාතික සන්ධානයේ බහුතර සහයෝගය නිල වශයෙන් ම තම කඳවුරේ ජනධිපති අපේක්ෂක සජිත් ප්‍රේමදාස මහතාට හිමිව ඇති බව මුදල් අමාත්‍ය මංගල සමරවීර මහතා ප්‍රකාශ කර සිටි.

 (3) පැවැති මාතර දිස්ත්‍රික් තරුණ සම්මේලනය ආමන්ත්‍රණය කරමින් ඒ මහතා මෙසේ කීය.

කෙසේ වෙතත් කලක සිටම ටී එන් ඒ සංවිධානය තම පක්ෂය හා එක්ව වැඩ කළ බව සිහිපත් කළ අමාත්‍යවරයා මෙම සහයෝගය දැක්වීම තම ප්‍රතිවාදී කදවුර කොටින්ගේ සහයෝගයත් සජිත් ප්‍රේමදාස කඳවුරට ලැබී ඇති බවට හුවා දැක්වීමට පාවිච්චි කරනු ඇති බවට ද සදහන් කළේය.

එහි දී වැඩිදුරටත් අදහස් දැක් වූ අමාත්‍යවරයා-

‘අපි මෙතැන දී මතක් කරන්න ඕන රට බෙදන අය කොහෙද ඉන්නෙ රට එකතු කරන අය කොහෙද ඉන්නෙ කියල. සම්බන්දන් මැතිතුමා ගැන මට මතකයි 2012 දී අපි යාපනේ මැයි දිනේ තියන්න එක්සත් ජාතික පක්ෂයෙන් ගියපු වෙලාවේ අපේ වේදිකාවට නැගල ශ්‍රී ලංකාවේ ධජය ඔසවපු ශ්‍රී ලංකාවේ ධජය ජනතාවට වනපු සම්බන්දන් තමයි ටි එන් ඒ නායකය. එතුමා තමයි අපිත් එක්ක එකතු වෙලා ඉන්නේ.

මිත්‍රවරුනි අනිත් කඳවුරේ කවුද ඉන්නෙ ගෝඨාභය රාජපක්ෂ එක්ක එකතු වෙලා ඉන්නෙ වෙන කවුරුවත් නෙමෙයි 1990 ත්‍රිකුණාමල නගරයේ වෙනම ඊලම් රාජ්‍යක් ප්‍රකාශ කරල ලංකා ඉතිහාසයේ ප්‍රථම සහ එකම වතාවට ඊලම් කොඩිය ප්‍රසිද්ධියේම ඔසවපු වර්ධරාජා පෙරුමාල්ල. අද කොහෙද ඉන්නේ? ගෝඨාභය රාජපක්ෂ එක්කයි.

ඒ විතරක් නෙමෙයි පොලිස් නිලධාරීන් 600ක් මරන්න නියෝග දුන්න, අරන්තලාවේ භික්ෂුන්වහන්සේලා ඝාතනය කරන්න නායකත්වය දුන්න කරුණා අම්මාන් ඉන්නෙ කොහෙද ගෝඨාභය රාජපක්ෂ එක්ක.

ඒ වගේම නැඟෙනහිර පළාතේ අහිංසක දෙමළ දරුවන් බලහත්කාරයෙන් පැහැරගෙන ගිහින් එල්ටිටිඊ සංවිධනයට එකතු කරපු පිල්ලයාන් ඉන්නෙ කොහෙද. ඊයේ පෙරේද අර මහා දේශප්‍රේමිය මහින්ද රාජපක්ෂ හිරගෙදරත් යනව පිල්ලයාන් බලන්න.

ඒ විතරක් නෙමෙයි. පසුගිය අප්‍රේල්වලින් පස්සේ යුඑන්පි අපට බැන්නා හිස්බුල්ලාගේ විශ්වවිද්‍යාලය වැහුවේ නෑ කියල. හිස්බුල්ල ත්‍රස්තවාදීන්ට උදව් කරනව කිව්වේ ඒ අයමයි. අද බලන්න හිස්බුල්ල කියනව මම දැක්ක ඒ අයගෙ දෙවන මනාපයත් ගෝඨාභයට දෙන්න කියල” .

එමෙන්ම අන්තර් විශ්වවිද්‍යාල ශිෂ්‍ය බල මණ්ඩලයේ කැඳවුම්කරු ලෙස කටයුතු කල මහිල් බණ්ඩාර මහතා ද අපි සීරුවෙන් ව්‍යාපාරය නියෝජනය කරමින් මෙම තරුණ සමුළුව ආමන්ත්‍රණය කළ අතර 2015 ජනාධිපතිවරණ සටන ජයග්‍රහණය සඳහා දියත් කළේ රටේ තරුණ ප්‍රජාව බව සිහිපත් කළ හෙතෙම ඉදිරි ජනාධිපතිවරණ සටනද විජයග්‍රහණයෙන් කෙලවර කිරීමටත් තරුණ ප්‍රජාව කටයුතු කරනා බවටද සඳහන් කළේය. ජාතිවාදය, දේශප්‍රේමය වැනි පරණ සංකල්ප ඉවත් කර ඇති නව තාරුණ්‍ය රට සුරැකීමට නොවැම්බර් 16 වනදාට නිදහස, ප්‍රජාත්‍රන්තවාදය වෙනුවෙන් තම වගකීම ඉටු කරනා බවටද කීය.

මෙම තරුණ සමුළුවට මාධ්‍යවේදී ඩිල්ෂාන් පතිරණ, වැලිගම නගරාධිපති රෙහාන් ජයවික්‍රම, ජාතික යොවුන් පෙරමුණේ උප සභාපති නාමල් විජිතමුණි සොයිසා ඇතුළු කථිකයන් රැසක් සහභාගී වූ අතර මාතර දිස්ත්‍රික්කය නියෝජණය කරමින් විශාල තරුණ තරුණියන් පිරිසක් ද ට සහභාගී වූහ.

....


අදහස්

8 + 4 =
Solve this simple math problem and enter the result. E.g. for 1+3, enter 4.
අදහස් දැක්වීම් 0