ඉදුරුව ඇටවලවත්ත එස්.ඕ.එස්. සුනාමි ගම්මානයේ දී පියා සහ පුතා අතර ඇති වූ ගැටුමක් දුරදිග යාමෙන් පියා එල්ල කළ පිහි පහරකින් පුතා මරුමුවට පත්වී ඇතැයි කොස්ගොඩ පොලීසිය පවසනවා.
මෙසේ මරාදමා ඇත්තේ ඉදුරුව ඇටවලවත්ත පදිංචි කසුන් කුමාර නමැති 21හැවිරිදි තරුණයකු බවත් නිවසේදී දෙදෙනා අතර ඇතිවූ කතාබහක් දුරදිග යාමෙන් පියා නිවසේ තිබූ මන්න පිහිය ගෙන පුතාගේ ගෙලට කොටා ඇති බවද පොලීසිය වැඩිදුරටත් පවසනවා.
ඔහුව බලපිටිය රෝහලට රැගෙන යමින් සිටියදී මියගිය බව ද පොලීසිය කියයි.
සිද්ධිය සම්බන්ධයෙන් හැටපස් හැවිරිදි සැකකාර පියා සැකපිට අත්අඩංගුවට ගත් බව පොලීසිය පවසනවා.