සූරියවැව වැලිආර ප්රදේශයේදී තියුණු ආයුධයකින් පහරදී තම සොහොයුරා ඝාතනය කළ පුද්ගලයෙකු පොලිස් අත්අඩංගුවට ගෙන තිබෙනවා.
ඊයේ (29) රාත්රියේ මෙම ඝාතනය සිදුවී ඇති අතර ඒ සම්බන්ධයෙන් ලැබුණු තොරතුරකට අනුවයි පොලිසිය පරීක්ෂණ ආරම්භ කර තිබුණේ.
මියගොස් ඇත්තේ වැලිආර ප්රදේශයේම පදිංචිව සිටි 33 හැවිරිදි පුද්ගලයෙක්.
ඔහු මානසික ආබාධයකින් පෙළෙන අයෙක් වන අතර මවට පරුෂ වචනයෙන් බැන වැදීම සහ හිරිහැර කිරීම හේතුවෙන් බාල සහෝදරයා විසින් තියුණු ආයුධයකින් පහරදී මෙම ඝාතනය සිදු කර ඇති බවටයි පොලිසිය සිදු කළ මූලික විමර්ශනවලදී අනාවරණ වී ඇත්තේ.
28 හැවිරිදි සහෝදරයා සැකපිට පොලිස් අත්අඩංගුවට ගෙන තිබෙනවා.
ඔහු හම්බන්තොට මහේස්ත්රාත් අධිකරණයට ඉදිරිපත් කිරීමට නියමිතයි.
මෘත ශරීරය සම්බන්ධයෙන් මහේස්ත්රාත් පරීක්ෂණය සිදු කිරීමට නියමිත අතර සූරියවැව පොලිසියයි පරීක්ෂණ සිදු කරනු ලබන්නේ.