― political ―

අද සමාජය සෑම අතකින්ම බෙදිලා තියෙන්නේ – සජිත්

අප සමාජය ආර්ථිකව, සමාජීයව, ආදායම් ඉපැයීමේ මාර්ගවලින්, නැති බැරි ඇති හැකි ලෙස සෑම අතකින්ම බෙදී ඇති බව විපක්ෂ නායක සජිත් ප්‍රේමදාස පවසනවා. විපක්ෂ නායකවරයා මේ...
HomeWorldශ්‍රී ලංකාවට නෑකම් කියන අයෙක් සිංගප්පූරු ජනපති පුටුවට

ශ්‍රී ලංකාවට නෑකම් කියන අයෙක් සිංගප්පූරු ජනපති පුටුවට

සිංගප්පූරු වැසියන් තම මීළඟ ජනාධිපතිවරයා ලෙස තර්මන් ෂන්මුගරත්නම් තෝරාගෙන තිබෙනවා.

තර්මන් ෂන්මුගරත්නම් ශ්‍රී ලාංකික සම්භවයක් සහිත පුද්ගලයෙක් වීම විශේෂත්වයක්.

තර්මන් ෂන්මුගරත්නම්ගේ මව යාපනය – ඌරලු ප්‍රදේශයේ පදිංචිකාරිනිය බවයි වාර්තා වන්නේ.

2011 වසරේ සිට 2019 දක්වා එරට නියෝජ්‍ය අග්‍රාමාත්‍යවරයා ලෙස කටයුතු කළ ෂන්මුගරත්නම් එක්සත් ජාතීන්ගේ සංවිධානයේ මෙන්ම ජාත්‍යන්තර මූල්‍ය අරමුදලේ කමිටු සභාපතිවරයා ලෙස ද කටයුතු කළ අයෙක්.

66 හැවිරිදි වියේ පසුවන ධර්මන් ෂන්මුගරත්නම් සිංගප්පූරු ජනාධිපතිවරණය වෙනුවෙන් තරග වැඳුණු අපේක්ෂකයින් දෙදෙනෙකු අභිබවා යමින් ඡන්ද 70.4 ක ප්‍රතිශතයක් ලබාගෙන තිබුණා.

මේ අතර අලුතින් තේරී පත් වූ සිංගප්පූරු නව ජනාධිපතිවරයා වෙත ඇමරිකා එක්සත් ජනපදයේ සුබ පැතුම් එක්කර තිබුණා.

ජාතීන් දෙක අතර පවතින මිත්‍රත්වයේ සහ සහයෝගීතාවයේ කල්පවත්නා බැඳීම් තවදුරටත් ශක්තිමත් කිරීම සඳහා සිංගප්පූරු ජනාධිපති ෂන්මුගරත්නම් සහ සිංගප්පූරු ජනතාව සමඟ සමීපව කටයුතු කිරීමට බලාපොරොත්තු වෙන බවයි ඇමරිකා එක්සත් ජනපදය සිය සුබ පැතුම එක්කරමින් වැඩිදුරටත් පවසන්නේ.