― political ―

අද සමාජය සෑම අතකින්ම බෙදිලා තියෙන්නේ – සජිත්

අප සමාජය ආර්ථිකව, සමාජීයව, ආදායම් ඉපැයීමේ මාර්ගවලින්, නැති බැරි ඇති හැකි ලෙස සෑම අතකින්ම බෙදී ඇති බව විපක්ෂ නායක සජිත් ප්‍රේමදාස පවසනවා. විපක්ෂ නායකවරයා මේ...
HomeHot Newsපෙට්‍රල් වත්කර යාචකයෙකු ගිනි තබා ඝාතනය කරලා

පෙට්‍රල් වත්කර යාචකයෙකු ගිනි තබා ඝාතනය කරලා

හෝමාගම මූලික රෝහල අසල පිහිටි රසායනාගාරයක් ඉදිරිපිට සිටි යාචකයෙකුට පෙට්‍රල් දමා ගිනිතබා ඝාතනය කළ බවට සැකපිට පුද්ගලයෙකු අත්අඩංගුවට ගෙන තිබෙනවා.

අදාළ යාචකයා රසායනාගාරයක් ඉදිරිපිට නිදා සිටිය දී සැකකරු විසින් ඊයේ (29) රාත්‍රියේ පෙට්‍රල් වත්කර මෙලෙස ගිනි තබා ඇති බවයි වාර්තා වුණේ.

ගිනි තැබීමෙන් පිළිස්සුම් තුවාල ලැබූ යාචකයා අසල්වාසීන් එක්ව රෝහල් ගත කිරීමට කටයුතු කර ඇති අතර ඔහු රෝහලේ ප්‍රතිකාර ලබමින් සිටියදී අද (30) උදෑසන ජීවිතක්ෂයට පත්ව තිබෙනවා.

මෙලෙස ජීවිතක්ෂයට පත්ව ඇත්තේ වයස අවුරුදු 64ක පුද්ගලයක් බවයි හෝමාගම පොලිසිය සඳහන් කළේ. අපරාධය සම්බන්ධයෙන් අත්අඩංගුවට ගැනුණු සැකකරු ගලවිලවත්ත ප්‍රදේශයේ පදිංචි 27 හැවිරිදි වියේ පසුවන අයෙක්.

ඉදිරි විමර්ශන සිදුකිරීමෙන් අනතුරුව සැකකරු අධිකරණය හමුවට ඉදිරිපත් කිරීමට නියමිත බව හෝමාගම පොලිසිය සඳහන් කළා.