දැව තොගයක් ප්‍රවාහනය කරමින් තිබූ ලොරි රථයක දැව ප්‍රධාන මාර්ගය හරහා වැටීමෙන් හැටන් බගවන්තලාව, මස්කෙළිය, බලංගොඩ ප්‍රධාන මාර්ගයේ රථවාහන ගමනාගමනයට බාධා එල්ල වී තිබෙනවා.
නෝර්වුඩ් පොලිසිය පවසුවේ මෙම අනතුර සිදු වී ඇත්තේ හැටන් බගවන්තලාව ප්‍රධාන මාර්ගයේ හැටන් – දික්ඔය වනරාජා වත්ත ප්‍රදේශයේදී බවයි.
කිතුල්ගල සිට මස්කෙළිය දක්වා දැව තොගයක් ප්‍රවාහනය කරමින් ලොරි රථයේ දැව ගැට ගසා තිබු ආධාරකයක් ගැලවී යාමෙන් ලොරි රථයේ තිබු දැව ප්‍රධාන මාර්ගය හරහා විසිරී යාමෙන් අද (09) පස්වරුවේ එම මාර්ගයේ ගමනාගමනය ඇණහිට තුබූ බවයි අප වාර්තාකරු පැවසුවේ.
කෙසේනමුත් ප්‍රධාන මාර්ගයේ විසිරී තිබූ දැව තොගය ඉවත් කිරීමෙන් අනතුරුව එම මාර්ගයේ රථවාහන ගමනාගමනය යළි යථා තත්ත්වයට පත්ව තිබෙනවා.