වියට්නාමයට බලපා ඇති ‘යාගි’ සුළි කුණාටුවෙන් දිවි අහිමි වූවන්ගේ ගණන තවදුරටත් ඉහළ ගොස් තිබෙනවා.
විදෙස් මාධ්‍ය වාර්තා කරන්නේ මෙම සුළි කුණාටුවෙන් පුද්ගලයින් 21 දෙනෙකු ජීවිතක්ෂයට පත්ව තවත් 229 දෙනෙකු තුවාල ලබා ඇති බවයි.
තවත් පුද්ගලයින් රැසක් මෙම සුළි කුණාටුවෙන් අතුරුදන් වී ඇති අතර ඔවුන් සොයා මෙහෙයුම් ක්‍රියාත්මකයි.
‘යාගි’ සුළි කුණාටුව පැයට කිලෝමීටර 203ක පමණ වේගයකින් වියට්නාමය වෙත කඩා වැදී තිබූ අතර මෙම වසර තුළ ආසියාවට බලපෑ දරුණුතම සුළි කුණාටුව මෙය වන බවයි වාර්තා වන්නේ.
මේ හේතුවෙන් වියට්නාමයේ ප්‍රදේශ රැසක ජල ගැලීම් සහ දරුණු නායයෑම් තත්ත්වයන්ද වාර්තා වනවා.