ජපානයේ පළාත් ගණනාවක කොවිඩ් ආසාදිතයන්ගේ වර්ධනය වේගයෙන් සිදුවීම හේතුවෙන් තවත් ප්‍රාන්ත 7කට හදිසි තත්වයක් ප්‍රකාශයට පත් කිරීමට එරට රජය පියවර ගත්තේය. මීට පෙර ටෝකියෝ සහ තවත් පළාත් 5කට හදිසි තත්වයක් ප්‍රකාශයට පත් කර තිබිණි. ටෝකියෝ ඔලිම්පික් ක්‍රීඩා උලෙළ පැවැත්වීමෙන් පසු කොවිඩ් රෝගීන්ගේ සීඝ්‍ර ඉහළ යෑමක් සිදු වූ බවට වාර්තා වේ පෙරේදා පමණක් එරටින් කොවිඩ් ආසාදිතයන් 17,836ක් වාර්තා වූ අතර, මිය ගිය පිරිස 8කි. මේ වනවිට ජපානයේ කොවිඩ් ආසාදිතයන් ලක්ෂ 11 ඉක්මවා ගොස් ඇති අතර, සමස්ත මරණ සංඛ්‍යාව 15,408කි.