බංග්ලාදේශයේ තරග සංචාරයක නිරත වී සිටින නවසීලන්ත ක්‍රිකට් කණ්ඩායමේ ෆින් ඇලන්ට කොරෝනා වයිරසය ආසාදනය වී තිබේ.
ඔහු බංග්ලාදේශයට පැමිණීමට පෙර සිදු කළ වෛද්‍ය පරීක්ෂණයේදී වයිරසය ආසාදනය වී නැති බවට තහවුරු වී ඇති අතර, ඩකා නුවරට පැමිණ පැය 48කට පසු ඔහු ආසාදිතයකු ලෙස හඳුනා ගෙන ඇත. නවසීලන්ත පිල එරට සිට බංග්ලාදේශය බලා පැමිණිය ද ෆින් එංගලන්තයේදී පළමු වරට පැවති ද හන්ඩ්‍රඩ් තරගාවලියට එක්ව සිටි බැවින් ඔහු එංගලන්තයේ සිට බංග්ලාදේශයට පැමිණ තිබේ.
මේ වන විට ෆින් හුදෙකලාව සිටිමින් අවශ්‍ය ප්‍රතිකාර ගන්නා අතර, සෙසු නවසීලන්ත ක්‍රීඩකයන් ඩකා නුවර නැවතී සිටින හෝටල් කාමර තුළදී ම දින 3ක් නිරෝධායනයට ලක් වීමට නියමිතය.
නවසීලන්තය සහ බංග්ලාදේශය අතර, තරග 5කින් සමන්විත විස්සයි20 තරගාවලියක් පැවැත්වෙන අතර, එම තරගාවලිය ලබන මස 1 දා ආරම්භ ආරම්භ වීමට නියමිතය.