ලෝක ටෙනිස් පිටියේ ප්රමුඛතම තරගාවලියක් ලෙස අද නිව්යෝක් නුවරදී ඇරඹෙන අමෙරිකා විවෘත ටෙනිස් ශූරතාවලියට සෙරීනා සහ වීනස් විලියම්ස් සහභාගි නොවෙති. සිය රටෙහි පැවැත්වෙන මේ ග්රෑන්ඩ් ස්ලෑම් ටෙනිස් ශූරතාවලියට ක්රීඩා නොකිරීමට විලියම්ස් සොහොයුරියන්ට සිදු වූයේ ආබාධවලට ලක් වීම හේතුවෙනි.
ඒ අනුව ග්රෑන්ඩ් ස්ලෑම් ටෙනිස් කුසලාන 23ක් දිනා සිටින සෙරීනාට ලොව වැඩිම ග්රෑන්ඩ් ස්ලෑම් කුසලාන සංඛ්යාවක් දිනා සිටින ඔස්ට්රේලියාවේ හිටපු ක්රීඩිකා මාගරට් කෝට්ගේ කුසලාන 24 වාර්තාව සම කිරීම තව දුරටත් කල් යනු ඇත.
ආබාධවලට ලක් වීම හේතුවෙන් රොජර් ෆෙඩරර් සහ රෆායල් නඩාල් වැනි සුපිරි ක්රීඩකයෝ ද මෙවර තරගාවලියෙන් ඉවත්
වූහ.