ගිනියා රාජ්‍යයේ හමුදා කුමන්ත්‍රණයක් සිදු වී ඇතැයි වාර්තා වේ. එරට හමුදාව ජනාධිපති මන්දිරය වටලා ජනාධිපති ඇල්ෆා කොන්ඩේ අත්අඩංගුවට ගෙන ඇතැයි අල් ජසීරා පුවත් සේවය වාර්තා කළේය. හමුදා භට පිරිසක් විසින් වට කරගනු ලැබූ වීඩියෝ පටයක්ද අන්තර්ජාලයට මුදා හැර ඇති අතර, ඔහුව බලය බලයෙන් නෙරපා ඇතැයි සැක පහළ කර ඇත.
ඔහු රූපවාහිනියේ පෙනීසිටිමින් කියා සිටියේ ආණ්ඩුව විසුරුවා හැරිය බවය. කෙසේ වෙතත් ආරක්ෂක අමාත්‍යාංශය ප්‍රකාශ කරන්නේ ජනාධිපති ආරක්ෂක භටයන් විසින් කුමන්ත්‍රණය ව්‍යර්ථ කරනු ලැබූ බවයි. මේ තත්ත්වය හේතුවෙන් කොනාක්‍රි අගනුවර පැය ගණනාවක් තිස්සේ දරුණු වෙඩි හුවමාරුවක් පැවැති බව ද වාර්තා වේ.