වජිර අබේවර්ධන
මේ රටේ වායු බලාගාර ඉදි කිරීම සඳහා එක්සත් ජාතික පක්ෂ ආණ්ඩු සමයේ ඉන්දියාව, ජපානය සහ චීනය යන රටවල් සමඟ ඇති කර ගත් ගිවිසුම් වහාම ක්‍රියාත්මක කර වායු බලාගාර ඉදි කිරීමට පියවර ගත යුතු බව එක්සත් ජාතික පක්ෂ සභාපති වජිර අබේවර්ධන මහතා අභයාරාම විහාරස්ථානයේදී පෙරේදා (23) පැවැති මාධ්‍ය හමුවේදී පැවසීය.
වජිර අබේවර්ධන මහතා මෙසේද පැවසීය.
“වර්තමානයේ පනවා තිබෙන නිරෝධායන ඇඳිරිනීතිය නිසා රට තුළ කොරෝනා ව්‍යාප්ත වීම මේ වනවිට යම්කිසි පාලනයකට පත්ව තිබෙනවා. රට වසා දැමීමෙන් ජීවිත විශාල ප්‍රමාණයක් ආරක්ෂා වන බව පැහැදිළිව පෙනී ගොස් තිබෙනවා.
එය ක්‍රම කිහිපයකට කරන්න පුළුවන්. එකක් තමයි පරිපාලනමය නිසියාකාර වැඩ පිළිවෙළක් නොමැති වුණාම වාහන නැවැත්වීම නිසා මේ කාලය තුළ ජනතාව තමන්ගේ පෞද්ගලික වාහනවලින් ගමන් කළා. ඒ අනුව තම අවශ්‍යතා ඉටු කරගත්තා. කෙසේ වෙතත් ජීවිත ආරක්ෂා වීම සිදු වුණා. ඒ ගැන එක්සත් ජාතික පක්ෂය හැටියට අප සතුටු වෙනවා. විශේෂයෙන් අපේ පක්ෂයේ නායක රනිල් වික්‍රමසිංහ මැතිතුමා මුල සිටම ප්‍රකාශ කළේ අඩුම තරමින් සති දෙකක්වත් රට වසා දමන්න කියායි.
කොරෝනා පාලනය කිරීම සම්බන්ධව මෙම වැඩකටයුතු නිසියාකාරව, නියමිත වේලාවට සිදු නොකිරීම නිසා ජීවිත 11,000 ඉක්මවා ජාතියට අහිමි වුණා. මේ තත්ත්වය මත මීළඟ ඉදිරි පියවර කල්පනාවෙන් ගත යුතුව තිබෙනවා.”
ශිරෝමි අබයසිංහ