චීනයේ උතුරු ප්‍රදේශයේ පිහිටි ෂැන්සි ප්‍රාන්තයේ ඇති වූ අධික ගංවතුර හේතුවෙන් ලක්ෂයකට වැඩි පිරිසක් අවතැන් වී ඇතැයි වාර්තා වේ. අධික වර්ෂාව හේතුවෙන් සිදුවූ මේ ඛේදවාචකය එම ප්‍රාන්තයේ දිස්ත්‍රික්ක සහ නගර 70කට පමණ බලපා ඇත.
මේ අතර දැඩි වර්ෂා තත්ත්වය මත මුදාගැනීමේ කටයුතු ඉතා දුෂ්කර වී ඇතැයි නිලධාරීහු පවසති. ෂැන්සි ප්‍රාන්තයේ නිලධාරීන් පවසන්නේ ගංවතුර තත්ත්වය මිලියන 1.76 ක පිරිසකට බලපා ඇති බවය. ප්‍රාන්තය පුරා විවිධ ස්ථානවල නිවාස 17,000කට වැඩි ප්‍රමාණයක් විනාශ වී ඇති අතර, නායයාමට හසුවූ පොලිස් නිලධාරින් සිව්දෙනකු ද ජීවිතක්ෂයට පත් වී ඇත.