අමෙරිකාවේ හිටපු ජනාධිපති බිල් ක්ලින්ටන් රෝගී තත්ත්වයක් හේතුවෙන් කැලිෆෝනියාවේ දී රෝහල් ගත කර ඇතැයි බීබීසී පුවත් සේවය වාර්තා කරයි.
75 හැවිරිදි හිටපු ජනාධිපතිවරයා හදිසි රෝගී තත්ත්වයක් හේතුවෙන් පසුගිය අඟහරුවාදා රෝහල් ගත කළ බව ඔහුගේ මාධ්‍ය ප්‍රකාශක ඒන්ජල් යූරීනා සඳහන් කර තිබේ.
එමෙන්ම හිටපු ජනාධිපතිවරයා කොවිඩ් ආසාදනය වීමෙන් රෝහල් ගත කර ඇති බවට පැතිර යන ප්‍රචාර අසත්‍ය බව ද ඒන්ජල් යූරීනා පවසයි.
කෙසේ නමුත් මෙලෙස හිටපු ජනාධිපතිවරයා රෝහල්ගත කිරීමට හේතුව කුමක්ද යන්න පැහැදිලි නැති නමුත් ක්ලින්ටන් හිටපු ජනාධිපතිවරයාට හෘද රෝග පිළිබඳ ඉතිහාසයක් ඇත.
එසේම ක්ලින්ටන් ගේ තත්ත්වය සුව අතට හැරෙමින් පවතින බව විදෙස් මාධ්‍ය වාර්තා ප්‍රකාශ කරයි.