දකුණු ආසියා පාපන්දු ශූරතාවලියේ මෙතෙක් ගෝල් 4ක් වාර්තා කළ ඉන්දීය පාපන්දු නායක සුනිල් චෙට්ත්‍රී බ්‍රසීලයේ පුරාවෘත්තයක් වූ පේලේ තම ජාතික කණ්ඩායම වෙනුවෙන් රැස්කළ ගෝල 77ක වාර්තාව අභිබවා යයි.
දකුණු ආසියා පාපන්දු ශූරතාවලියේදී ඉන්දීය පාපන්දු නායක සුනිල් චෙට්ත්‍රී සිය රට වෙනුවෙන් රැස්කළ 79වැනි ගෝලය පෙරේදා මාලදිවයිනට එරෙහිව වාර්තා කිරීමත් සමග පේලේගේ වාර්තාව පසු කළේය. 37 හැවිරිදි චෙට්ත්‍රී , ඉන්දියාව වෙනුවෙන් සිය 124 වන තරගයට ක්‍රීඩා කළ අතර, මේ ශූරතාවලියේ සත්කාරක මාලදිවයිනට එරෙහිව ගෝල් 2ක් ලබා ගැනීමට සමත්ව සිටී. ඔහු මේ ශූරතාවලියේ වැඩිම ගෝල් ලාභී ක්‍රීඩකයා බවට පත්ව සිටී. පෙලේ අබිබවා යෑමට ඉන්දීය නායකයා මේ ශූරතාවලියේදී සුදානමින් සිටින බව ශූරතාවලිය ආරම්භයේදී අනාවැකි පළ විණි.