ජවිපෙ දේශපාලන මණ්ඩල සභික වෛද්‍ය නලින්ද ජයතිස්ස
ජනතාව කොවිඩ් නිරෝධායන නීති තුළ සිර කර ආණ්ඩුව මාතෘ භූමිය විකුණමින් සිටින බවත් දැනට කෙරවලපිටිය බලාගාරය විකුණා මාසයක් පමණ ගතව ඇති බවත් ජනතා විමුක්ති පෙරමුණේ දේශපාලන මණ්ඩල සභික වෛද්‍ය නලින්ද ජයතිස්ස මහතා පක්ෂ කාර්යාලයේ පසුගියදා (15) පැවැති මාධ්‍ය හමුවකදී පැවසීය.
එහීදී ඒ මහතා මේසේද කිවේය. “මේ රටේ නායකයන් වන ඇමරිකානු පුරවැසියන් අපේ මව්බිම විකුණා දමා අවසානයේ තමන්ගේ රටවලට පලා යාවී. සියලු ජනතාව ඊට එරෙහිව නැඟී සිටිය යුතුව තිබෙනවා. අපේ දේශපාලන වගකීම වන්නේ එයයි. මීට මාසයකට කලින් අත්සන් තබන ලද රහස් ගිවිසුම වහා හෙළිදරව් කරන ලෙස අපි ආණ්ඩුවට බල කරනවා.”
නුවන් හෙට්ටිආරච්චි