වත්මන් ආණ්ඩුව පිළිබඳ ජනතාව කළකිරී සිටියද එජාප ආණ්ඩුවක් හෝ සමඟි ජනබලවේග ආණ්ඩුවක් පත් කර ගැනීමට රටේ රැල්ලක් ඇති වී නැතැයි පාර්ලිමේන්තු මන්ත්‍රී පාඨලී චම්පික රණවක මහතා මාධ්‍යයට අදහස් දක්වමින් ඊයේ (01) පැවසීය.
2015 දී බිහි කරගත් ආණ්ඩුව ජනතාවගේ බපාපොරොත්තු කඩ කිරීම ඊට හේතු වී ඇතැයිද මන්ත්‍රීවරයා සඳහන් කරයි. නැවත සේනානායක යුගයක් හෝ රණසිංහ ප්‍රේමදාස යුගයක් හෝ ඇති කළ ද ඒ තත්ත්වය වෙනස් කළ නොහැකි බව ද හෙතෙම පෙන්වා දෙයි. පෙළපාළි හා උද්ඝෝෂණ පැවැත් වූ පමණින් ආණ්ඩු පිහිටුවීමට නොහැකි බව සඳහන් කළ ඔහු නව යුගයක් බිහි කරගැනීමට නම් නව පරම්පරාවකට අවස්ථාව දිය යුතු බවද වැඩි දුරටත් කීවේය.
පහන් විජේසේකර