මහල් නිවාස සංකීර්ණයක ගින්නකින් ළමුන් ඇතුළු 19 දෙනෙකු ජීවිතක්ෂයට

අමෙරිකාවේ නිව්යොර්ක්හි පිහිටි මහල් නිවාස ගොඩනැගිල්ලක ඇති වූ ගින්නකින් ළමුන් 09 දෙනෙකු ඇතුළු පුද්ගලයින් 19 දෙනෙකු මියගොස් ඇති අතර තවත් පුද්ගලයින් 32 දෙනෙකු තුවාල ලබා ඇති බව විදෙස් මාධ්‍ය වාර්තා කරයි.

මහල් 19කින් යුත් ගොඩනැගිල්ලක දෙවන සහ තෙවන මහල්වල එම ගින්න හටගෙන ඇති අතර සෑම මහලකටම දුමාරය පැතිරගොස් තිබේ.

වසර 30කට පසුව අමෙරිකාවේ නිව්යෝර්ක්හි සිදුවු දරුණුතම අනතුර එය ලෙස සැළකෙන අතර විදුලි හීටරයක් හේතුවෙන් එම ගින්න හට ගන්නට ඇති බවට එරට පොලීසිය සැක පළ කරයි.