උසස් පෙළ විභාගයට පෙනී සිටින ‘කොවිඩ්’ වයිරසය වැළදුණු ශිෂ්‍ය ශිෂ්‍යාවන් වෙනුවෙන් සෑම දිස්ත්‍රික්කයකම රෝහල බැගින් වෙන්කර රෝහල තුළ විභාග මධ්‍යස්ථාන ස්ථාපිත කරන බව සෞඛ්‍ය අමාත්‍යංශය පවසයි.
උසස් පෙළ විභාගය වැඩි දින ගණනක් ක්‍රියාත්මක වන විභාගයක් වීම නිසා විශේෂ ක්‍රියාමාර්ගයක් ගෙන ඇති බවත් ඒ සඳහා වෙනම රෝහල් හදුනාගෙන තිබෙන බවත් සෞඛ්‍ය අමාත්‍යංශය කියයි.
සෑම දිස්ත්‍රික්කයකින්ම තෝරාගෙන ඇති රෝහලට දරුවන් ඇතුළත් කර රෝහල විභාග මධ්‍යස්ථානයක් ලෙස ක්‍රියාත්මක කරන බවත් සෞඛ්‍ය අමාත්‍යංශය වැඩි දුරටත් සඳහන් කරයි.