බංග්ලාදේශයේ අතුරුදන්ව සිටි ජනප්‍රිය නිළියක වන රයිමා ඉස්ලාම් ෂිමුගේ (Raima Islam Shimu ) සිරුර ගෝනියක බහා තිබියදී සොයාගෙන තිබේ.
ඇයගේ ඝාතනය සම්බන්ධයෙන් සැමියා වන ෂකාවත් අලි නොබෙල් පාපොච්චාරණය කර ඇත. රයිමා ඉස්ලාම් ෂිමු අතුරුදහන් වී දිනකට පසු ඩකාහි කෙරනිගං හි පාලමක් අසල ගෝනියක් තුළ තිබී සිරුර සොයාගෙන ඇත.
සිරුරේ තුවාල සලකුණු රැසක් තිබූ බව පොලිසිය ප්‍රකාශ කර ඇති අතර ඇයගේ සිරුර පශ්චාත් මරණ පරීක්ෂණය සඳහා ශ්‍රීමත් සාලිමුල්ලා වෛද්‍ය විද්‍යාල රෝහල (SSMCH) වෙත යවා ඇති බව වාර්තා වෙයි.
ඇයගේ සැමියා වන ෂකාවත් අලි නොබෙල් විසින් තම බිරිඳ අතුරුදහන් වී ඇති බව පවසමින් පොලිස් ස්ථානයට පැමිණිල්ලක්ද ගොනු කර තිබේ. සිරුර සොයා ගැනීමෙන් පසු ඇයගේ රියදුරාද විමර්ශනය සඳහා අත්අඩංගුවට ගෙන තිබේ.
ර්‍අඉම ඓස්ලම් ෂිමු බංග්ලාදේශයේ ජනප්‍රිය නිළියක් වන අතර 1998 දී Kazi Hayat විසින් නිර්මාණය කරන ලද ‘Bartaman’ චිත්‍රපටය ඇයගේ මංගල සිනමා දර්ශනයයි. එතැන් සිට ඇය බොහෝ චිත්‍රපටවලට රංගනයෙන් දායක වී ඇති අතර චිත්‍රපට කර්මාන්තයේ ඇයටම සුවිශේෂී වූ අනන්‍යතාවක් පවත්වාගෙන ගිය අයෙක් බව විදෙස් මාධ්‍ය පෙන්වා දෙයි.