රටකට ආර්ථික වශයෙන් සිදුවිය හැකි සියල්ල සිදු වී අවසන් බව ජනතා විමුක්ති පෙරමුණේ නායක අනුර කුමාර දිසානායක පවසයි. අද (19) නවගමුවේ පැවති රැස්වීමක් අමතමින් ඔහු මේ බව ප්‍රකාශ කළේය.
මේ වනවිට රට තුළ විශාල ඩොලර් හිඟයක් ඇති වීම, අත්‍යවශ්‍ය භාණ්ඩ හිඟයක් ඇතිවීම පමණක් නොව විදුලි බලාගාරවල ජනන කටයුතු සඳහා අවශ්‍ය ඉන්ධන නොමැති වීම වැනි ආර්ථිකමය වශයෙන් බැරෑරුම් අර්බුද රැසකට රට මුහුණ දීමේ තත්ත්වයකට ලක් වීමෙන් අරාජිකත්වයක් නිර්මාණය වී ඇති බව අනුර කුමාර දිසානායක පවසයි.
මෙම තත්ත්වයට වත්මන් පාලකයින් පමණක් නොව, රට පාලනය කළ සියලුම වගකිව යුතු නිලධාරින් උත්තර බැඳිය යුතු බවත් වත්මන් බලධාරින් පවා සිය අමාත්‍ය ධුරය තුළ කිසිදු වගකීමකින් තොරව කටයුතු කරන අයුරු දැකිය හැකි බවත් ඔහු වැඩිදුරටත් අවධාරණය කළේය.