සීඝ්‍රයෙන් පැතිර යන ඔමික්‍රොන් කොරෝනා ප්‍රභේදය හමුවේ ඊයේ (19) පමණක් ලොව පුරා ආසාදිතයින් 3,312,368 දෙනෙකු වාර්තා වී තිබේ.
ඒ අනුව වැඩිම දෛනික ආසාදිතයින් සංඛ්‍යාවක් ඇමරිකාවෙන් (574347) සටහන් වන අතර දෛනික මරණ 1,948කුත් එරටින් වාර්තා වේ.
දෙවනුවට වැඩිම ආසාදිතයින් සංඛ්‍යාවක් ප්‍රංශයෙන් වාර්තා වන අතෑඅ එම සංඛ්‍යාව 436,167කි. අසල්වැසි ඉන්දියාවේ ආසාදිතයින් සංඛ්‍යාව 31,5158 ලෙස දැක්වෙන අතර බ්‍රසීලයේ ආසාදිතයින් සංඛ්‍යාව දැක්වුණේ 22,310ක් ලෙසයි.
ඊට අමතරව බ්‍රිතාන්‍ය, ඉතාලිය, ස්පාඤ්ඤය සහ ජර්මනියෙන් ලක්ෂය ඉක්මවූ ආසාදිතයින් වාර්තා වී තිබේ. මේ වනවිට ලොව පුරා කොරෝනා ආසාදිතයින් සංඛ්‍යාව 339,013,668 දක්වා ඉහළ ගොස් ඇති අතර මරණ සංඛ්‍යාව 5582615ක් ලෙස ඉහළ ගොස් තිබේ.