තවදුරටත් බොරු බේගල් ඇදබා ජනතාව රවට්ටනවා වෙනුවට ඉදිරි අවුරුදු තුනක සැලැස්ම ඉදිරිපත් කරන්නැයි තමා රජයට අභියෝග කරන බව පාර්ලිමේන්තු මන්ත්‍රී මුජිබර් රහුමාන් පවසයි.
හෙතෙම මේ බව ප්‍රකාශ කළේ විපක්ෂ නායක කාර්යාලයේ පැවැති මාධ්‍ය හමුවේදී අදහස් දක්වමිනි.
වත්මන් ආණ්ඩුව කිසිදු ආකාරයේ වැඩපිළිවෙළක්, සැලැස්මක් නැති නූල කැඩිච්ච සරුංගලය වගේ එහෙට මෙහෙට පාවෙන අයාලේ යන ආණ්ඩුවක් බවත් ඉදිරි අවුරුදු තුන හොඳට කරනවා කියා ජනාධිපතිවරයා පැවසුවත් එතුමන්ට අවුරුදු තුනක සැලැස්මක් තියා මාස තුනක සැලැස්මක් වත් නෙැමැති බවත් මුජිබර් රහුමාන් එහිදී ප්‍රකාශ කළේය.