හොරණ මල් බෙරිගම නිවසක් තුළදී අඹු සැමියන් දෙදෙනෙක් අතර ඇතිවූ ආරවුලකින් අනතුරුව බිරිද විසින් සැමියාගේ ගෙල සිරකර නිදි යහන මත ඝාතනය කර ඇති බව හොරණ පොලිසිය පවසයි.
මෙලෙස ඝාතනයට ලක්ව ඇත්තේ වසන්ත කුමාර (30) නමැති හිටපු හමුදා සෙබලෙකක් වන අතර ඝාතනය සම්බන්ධයෙන් මේ වනවිට බිරිඳ අත්අඩංගුවට ගෙන තිබේ.
ඝාතනයට ලක්වූ පුද්ගලයා හා බිරිඳ නිරන්තරයෙන් ආරවුල් ඇති කරගන්නා දෙදෙනෙක් බවත් එදිනද සුපුරුදු පරිදි ආරවුලෙන් පසු මෙම පුද්ගලයා ගොස් නිදා ගැනීමෙන් අනතුරුව සැකකාරිය විසින් මෙම ඝාතනය සිදුකර ඇතැයි පොලිසිය පවසයි.
සිද්ධිය සම්බන්ධයෙන් පානදුර කොට්ඨාශ අපරාධ පරීක්ෂණාගාර නිලධාරීන් වැඩිදුර පරීක්ෂණ පවත්වනු ලබයි.