විදුලිය අඩු පරිභෝජනයක් තිබූ ඊයේ (03) රාත්රීයේ සිදු වූ විදුලි කප්පාදුව කඩාකප්පල්කාරී ක්රියාවක් බවත් ඒ සම්බන්ධයෙන් වහාම නීතිමය ක්රියාමාර්ග ගන්නා බවත් මහජන උපයෝගිතා කොමිසමේ සභාපති ජනක රත්නායක පැවසීය.
අවසරකින් තොරව විදුලිය විසන්ධි කිරීම විදුලි පනතට සහ මහජන උපයෝගිතා පනතට විරුද්ධ ක්රියාවක් බව කී ජනක රත්නායක, එම විදුලි කප්පාදුව පිළිබඳව විදුලිබල මණ්ඩලයේ සාමාන්යාධිකාරීවරයා හෝ දැනුවත් නොසිටි බවත් අවධාරණය කළේය.