මොරොක්කෝවේ පිහිටි අඩි 100ක පමණ ගැඹුරු ලිඳකට ඇද වැටුණු දරුවෙකු ගොඩගැනීම සඳහා මේ වනවිට විශාල මෙහෙයුමක් ආරම්භ කර තිබේ.
5 හැවිරිදි වියේ පසුවන රයන් නමැති කුඩා පිරිමි දරුවෙකු මෙලෙස ලිඳකට වැටී ඇති අතර මීටර් 32කට ආසන්න දුරකින් මෙම දරුවා රැඳී සිටින බවට මේ වනවිට තොරතුරු හෙළිදරව් වී ඇත.
විදෙස් මාධ්‍ය වාර්තා කරනු ලබන්නේ දරුවා බේරාගැනීම සඳහා එරට බලධාරීන් විසින් දැවැන්ත මෙහෙයුමක් ආරම්භ කිරීමට තීරණය කර ඇති බවයි. දරුවා බේරාගැනීමට මේ වන විට දින දෙකක පමණ කාලයක් මෙහෙයුම් සිදුකර ඇත.
එම මෙහෙයුම මේ වන විට අවසාන අදියරට ළගා වෙමින් පවතින අතර දරුවා ඉදිරි පැය කිහිපය තුළ මුදා ගැනීමට හැකිවනු ඇති බවට බළධාරීන් විශ්වාසය පළකරයි.
දරුවා මුදා ගැනීමෙන් අනතුරුව ඔහුට වෛද්‍ය ප්‍රතිකාර ලබාදීම සදහා වෛද්‍ය කණ්ඩායම් මෙන්ම ඔහු කඩිනමින් රෝහල් ගත කිරීම සදහා හෙලිකොප්ටර් යානයක් ද අදාළ ස්ථානයට ගෙන්වා ඇති බව සදහන් වෙයි.