අවුරුදු හතරහමාරක කුඩා දරුවෙකුව ඔසවා පොළොවේ ගැසූ බව කියන පුද්ගලයකු ජනවාරි 09 වනදා දක්වා රක්ෂිත බන්ධනාගාරගත කරන ලෙස දඹුල්ල මහෙස්ත්‍රාත් චමිලා කුමාරි රත්නායක නියෝග කර තිබේ.
දරුවා චූන් පාන් ත්‍රීරෝද රථයකින් බනිස් ගෙඩියක් මිලදී ගැනීම සඳහා මාර්ගය අසල රැඳී සිටි ඇති බවත් පසුව එම ස්ථානයේ බීමතින් සිටි අයෙකු මෙම කුඩා දරුවාට බැන වැදී චුන් පාන් ගැනීමට මුදල් කොහින්දැයි විමසා එකවරම දරුවාව ඔසවා පොළොවේ ගසා තිබෙන බවත් පොලිස් පරීක්ෂණවලදී හෙළිවී ඇත.