කිලිනොච්චිය, සුදලිකුලම් ප්‍රදේශයේ නීතිවිරෝධී ලෙස පවත්වාගෙන ගිය මත්පැන් නිෂ්පාදනාගාරයක් පොලිසිය විසින් වටලා තිබෙනවා.
කිලිනොච්චිය, රාමනාදපුරම් පොලිස් වසමට අයත් සුදලිකුලම් ප්‍රදේශයේ නීතිවිරෝධී ලෙස මත්පැන් නිෂ්පාදනය කරන බවට රාමනාදපුරම් පොලිසියට ලැබුණු තොරතුරකට අනුවයි මෙම වැටලීම සිදු කර ඇත්තේ.
එහිදී ගෝඩා ලීටර් 18,750ක්, මත්පැන් ලීටර් 80ක් සහ මත්පැන් නිෂ්පාදනයට යොදාගත් උපකරණ පොලිස් භාරයට ගෙන තිබේ.
මත්පැන් නිෂ්පාදනයට සම්බන්ධ සැකකරුවන් එම ස්ථානයෙන් පළාගොස් ඇති අතර ඔවුන් අත්අඩංගුවට ගැනීමේ මෙහෙයුම් අඛණ්ඩව ක්‍රියාත්මක බවයි පොලීසිය පවසන්නේ.
සිද්ධිය සම්බන්ධයෙන් රාමනාදපුරම් පොලිසිය වැඩිදුර පරීක්ෂණ පවත්වයි.