ශ්‍රී ලංකා නාවික හමුදාව විසින් අත්අඩංගුවට ගත් ධීවරයින් 27 දෙනෙකු සහ බෝට්ටු 5ක් වහා නිදහස් කරන ලෙස බලකරමින් විපතට පත් ධීවරයින් සහ ධීවර සංගම් අද (18) පෙරවරුවේ රාමේෂ්වරම් තැපැල් කාර්යාලය ඉදිරිපිට විරෝධතාවක නිරත විය.
14 වැනිදා ශ්‍රී ලංකා නාවික හමුදාව භාරයට ගත් රාමේෂ්වරම් සහ මණ්ඩපම් ප්‍රදේශයේ ධීවරයින් සහ බෝට්ටු නිදහස් කරන ලෙස ඉල්ලමින් අද රාමේෂ්වරම් තැපැල් කාර්යාලය ඉදිරිපිට ධීවර පවුල්වලට සහ ධීවර සංගමයේ නියෝජිතයින් සියයකට අධික පිරිසක් විරෝධතාවක නිරත වුණා.
විරෝධතාවයට සහභාගී වූවන් පවසන පරිදි අද දින පම්බන් පාරේ පැවති විරෝධතාව රාජ්‍ය නිලධාරීන්ගේ ඉල්ලීම මත රාමේෂ්වරම් තැපැල් හා කාර්යාලය ඉදිරිපිට විරෝධතාවක් ලෙස වෙනස් කරන ලදී.
එලෙසම ධීවරයින් සහ බෝට්ටු ලබන 27 වැනිදා නිදහස් කරන බවට රජය වෙනුවෙන් රජයේ නිලධාරීන් සහතිකයක් ලබාදී තිබෙනවා.
බලධාරීන් පවසන පරිදි තමන් නිදහස් නොකළහොත් තමිල්නාඩුව පුරා පිහිටි සියලුම ධීවර සංවිධාන එකතු කර නොවැම්බර් 1 වැනිදා දුම්රිය වර්ජනයක් සහ විවිධ අදියරේ විරෝධතා මාලාවක් ක්‍රියාත්මක කරන බව ඔවුහු පැවසූහ.
