නුවරඑළිය දිස්ත්‍රික්කයේ කඳපොල නගරයේ සිට කොන්කෝඩියා වතුයාය හරහා රාගල දක්වා දිවෙන මාර්ගයේ ධාවන කටයුතු අද (18) සිට සම්පුර්ණයෙන් නවතා දමා තිබේ.
පොලීසිය සඳහන් කළේ නුවරඑළිය දිස්ත්‍රික්කයේ කඳපොල නගරයේ කොන්කෝඩියා වතු ප්‍රදේශය නායයාමකට ලක්වීම හේතුවෙන් මෙලෙස ධාවන කටයුතු නවතා දමා ඇති බවයි.
පවතින අධික වර්ෂාව හේතුවෙන් එම මාර්ගයේ විශාල කොටසක් නායයාමකට ලක්ව පවතින බවත්, එම මාර්ගය භාවිතා කරනු ලබන පිරිස් ඒ සඳහා විකල්ප මාර්ග භාවිතා කිරීමට පියවර ගන්නා ලෙස නුවරඑළිය දිස්ත්‍රික් ආපදා කළමනාකරණ ඒකකයේ සහකාර අධ්‍යක්ෂ නිමල් බණ්ඩාර රියදුරන්ගෙන් හා ප්‍රදේශයේ ජනතාවගෙන් ඉල්ලා සිටී.