කාන්තාවන්ට රාත්‍රී කාලයේ සේවය කිරීමට හැකි වන පරිදි සංශෝධනය කළ 1954 අංක 19 දරණ සාප්පු හා කාර්යාල සේවක පනතේ විධි විධාන පනතට අමාත්‍ය මණ්ඩල අනුමැතිය හිමි වී තිබේ.
ඒ අනුව තොරතුරු තාක්ෂණය, දැනුම ක්‍රියාවලි බාහිර සේවා සපයන සමාගම්, ව්‍යාපාර ක්‍රියාවලි බාහිර සේවා සපයන සමාගම් සහ ගිණුම්කරණය, පරිපාලන හා තාක්ෂණික කටයුතු සම්බන්ධයෙන් කටයුතු කරන කාර්යාලවල සේවය කරන කාන්තාවන් සඳහා මෙම සංශෝධනය ක්‍රියාත්මක වනු ඇති.