ඉන්දියාව විසින් කැනේඩියානුවන් සඳහා වීසා නිකුත් කිරීම නැවත ආරම්භ කරන බව ඔටාවා හි ඉන්දීය මහ කොමසාරිස් කාර්යාලය පවසයි.
පසුගිය සැප්තැම්බර් මාසයේදී ඉන්දියාව විසින් කැනේඩියානුවන් සඳහා වීසා නිකුත් කිරීම නවතා දැමීය.
සික් බෙදුම්වාදියෙකු කැනේඩියානු භූමියේදී ඝාතනය කිරීම සම්බන්ධයෙන් ඇති වූ බරපතල ආරවුලක් හේතුවෙනුයි මෙලෙස වීසා ලබාදීම අත්හිටවනු ලැබුවේ.
කෙසේවෙතත් විදෙස් මාධ්‍ය වාර්තා කරන්නේ ඔවුන්ගේ දූත මණ්ඩලවල ආරක්ෂක තත්ත්වය සමාලෝචනය කිරීමෙන් පසු වීසා නිකුත් කිරීම නැවත ආරම්භ කරන බවයි.
ඒ අනුව අද (26) සිට වීසා නිකුත් කිරීම නැවත ආරම්භ වනු ඇති.
ප්‍රවේශ වීසා සඳහා මෙන්ම ව්‍යාපාරික, වෛද්‍ය සහ සම්මන්ත්‍රණ වීසා සඳහාද එය අදාළ වනු ඇති බවයි විදෙස් මාධ්‍ය වැඩිදුරටත් වාර්තා කරන්නේ.