අද (26) මොණරාගල මාර්ගයේ සිදු වූ රිය අනතුරකින් පොලිස් කොස්තාපල්වරයෙක් ජීවිතක්ෂයට පත්ව තිබේ.
පොලීසිය පැවසුවේ සියඹලාණ්ඩුව – මොණරාගල මාර්ගයේ කිවුලයාය ප්‍රදේශයේදී කාර් රථයක් සහ ලොරි රථයක් මුහුණට මුහුණ ගැටීමෙන් මෙම අනතුර සිදුව ඇති බවයි.
මෙලෙස ජිවිතක්ෂයට පත්ව ඇත්තේ 29 හැවිරිදි සියඹලාණ්ඩුව – බුද්දම ප්‍රදේශයේ පදිංචි සූරියවැව පොලිසියට අනුයුක්ව සේවය කරන පොලිස් කොස්තාපල්වරයෙකි.
ජීවිතක්ෂයට පත් වූ කොස්තාපල්වරයා සිය මෝටර් රථයෙන් විවාහ මංගල්‍ය උත්සවයකට සහභාගී වීම සඳහා තවත් 4 දෙනෙකු සමග යමින් සිටියදීයි මෙම අනතුරට ලක්ව ඇත්තේ.
සිද්ධිය සම්බන්ධයෙන් ලොරි රථයේ රියදුරු අත්අඩංගුවට ගත් බවයි පොලීසිය පවසන්නේ.