ගාසා තීරයේ සටන් විරාමයක් ක්‍රියාත්මක කරන්නැයි යුරෝපා සංගමය ඊශ්‍රායලයෙන් හා හමාස් සංවිධානයෙන් ඉල්ලීමක් කර තිබේ.
එම සංගමයේ රටවල් 27ක නායකයින් බෙල්ජියමේ පැවති සමුළුවකදී ඒකාබද්ධ ප්‍රකාශයක් නිකුත් කරමිනුයි මේ බව සඳහන් කර ඇත්තේ.
ඔවුන් පෙන්වා දෙන්නේ ගාසා තීරයේ ශීඝ්‍රයෙන් අඩුවෙමින් පවතින ඉන්ධන සැපයුම හේතුවෙන් මේ වනවිට සෞඛ්‍ය ඇතුළු ක්ෂේත්‍ර රැසක අර්බුද හටගෙන ඇති බවයි.
ගාසා තීරයට අඛණ්ඩ ආධාර සැපයීම සඳහාද සටන් විරාමයක් දැඩිව අවශ්‍ය බව ඔවුන් දැඩි ලෙස අවධාරණය කර තිබේ.
ඉන්ධන හිඟය හේතුවෙන් එක්සත් ජාතීන්ගේ සංවිධානයද ගාසා තීරය තුළ සිය මෙහෙයුම් සැලකිය යුතු ලෙස සීමා කර ඇති අතර ගැටුම් ආරම්භයේ සිට මේ දක්වා 7,000කට අධික පිරිසක් මියගොස් ඇති බව විදෙස් මාධ්‍ය වාර්තා කරයි.