ආධාර රැගත් ට්‍රක් රථ 30කට වැඩි ප්‍රමාණයක් ඊයේ (29) ගාසා තීරයට ඇතුළු වී තිබේ.
ඒ අනුව ජලය, ආහාර සහ වෛද්‍ය සැපයුම් රැගත් ට්‍රක් රථ 33 ක් ඊජිප්තුවේ රෆා දේශසීමා හරහා ගාසා තීරයට ඇතුළු වී ඇති බවයි එක්සත් ජාතීන්ගේ මානුෂීය කටයුතු සම්බන්ධීකරණ කාර්යාලය (OCHA) පැවසුවේ.
ඔක්තෝබර් 21 වැනිදා ගාසා තීරයට ආධාර බෙදා දීම නැවත ආරම්භ කළ අතර මේ වනවිට ආධාර රැගත් ට්‍රක් රථ 117ක් රෆා හරහා ගාසා තීරයට ඇතුළු වී ඇති බවයි විදෙස් මාධ්‍ය වාර්තා කරන්නේ.