දැදුරු ඔය ජලාශයේ වාන් දොරටු හයක් අඩි හතර බැගින් විවෘත කර ඇති බව දැදුරු ඔය භාර වාරිමාර්ග ඉංජිනේරුවරයා පවසයි.
ඉන් තත්පරයකට ඝන අඩි 14,000 ක ජල ධාරිතාවක් නිකුත් කෙරෙන බවයි ඔහු කියා සිටියේ.
ඒ අනුව වාරියපොල, නිකවැරටිය, මහව, කොබෙයිගනේ, බිංගිරිය, පල්ලම, හලාවත, ආරච්චිකට්ටුව සහ රස්නායකපුර යන ප්‍රාදේශීය ලේකම් කොට්ඨාසවලට අයත් දැදුරු ඔය නිම්නයේ පහත් බිම් ප්‍රදේශවලට සුලු ගංවතුර තත්වයක් ඇතිවිය හැකි බවයි ආපදා කළමනාකරණ මධ්‍යස්ථානය පවසන්නේ.
එම මධ්‍යස්ථානය වැඩිදුරටත් පවසන්නේ දැදුරුඔය පහළ ප්‍රදේශවල ජීවත්වන ජනතාව දැඩි අවධානයෙන් පසුවන ලෙසයි.