24 C
Colombo
Friday, April 4, 2025

― political ―

ජාතික ජන බලවේගයේ පක්ෂ නායකයින් අද මැතිවරණ කොමිසම හමුවට

ජාතික ජන බලවේගයේ පක්ෂ ලේකම් වෛද්‍ය නිහාල් අබේසිංහ මහතා ඇතුළු පක්ෂ නායකයින් පිරිසක් අද (19) මැතිවරණ කොමිසම හමුවීමට නියමිතය. පළාත් පාලන මැතිවරණ පැවැත්වීමේ සුදානම...
HomeHot Newsවෙරි මතින් ගින්න නිවන්න ආ රියදුරා අත්අඩංගුවට

වෙරි මතින් ගින්න නිවන්න ආ රියදුරා අත්අඩංගුවට

අම්පාර නගරයේ විසිතුරු භාණ්ඩ වෙළෙඳසැලක ඇති වූ ගින්නකින් මුළු වෙළෙඳසැලම විනාශයට පත්ව තිබෙනවා.

අප ප්‍රාදේශීය වාර්තාකරු පැවසුවේ ඊයේ රාත්‍රියේදී මෙම ගින්න හටගෙන ඇති බවයි. මෙලෙස ගිනි ගැනීමට ලක්ව ඇත්තේ එම ප්‍රදේශයේ පිහිටි විසිතුරු භාණ්ඩ අලෙවිසැලක්.

මෙහි වීදුරු උපකරණ, විද්‍යුත් සහ ප්ලාස්ටික් භාණ්ඩ රැසක් ද තිබී තිබෙනවා. කෙසේවෙතත් ගින්න හටගැනීමත් සමග ප්‍රදේශයේ නගර සභාවේ ගිනි නිවන ඒකකය සම්බන්ධ කරගැනීමට උත්සාහ කළද එය අසාර්ථක වීම නිසා ඊයේ රාත්‍රියේ ගිනි ගත් වෙළෙඳසැල ඉදිරිපිට නොසන්සුන්තාවක් ද හට ගැනුණා.

ගම්වාසීන් චෝදනා කළේ නිසි වේලාවට ගින්න නිවා දැමීමට නගර සභාවේ ගිනි නිවන ඒකකය ක්‍රියාත්මක නොවුණු හෙයින් සිදු වූ අලාභ හානිය දැවැන්ත බවයි.

මේ හේතුවෙන් අම්පාර පොලිසිය විසින් ගිනි නිවීමට ප්‍රමාද වී ආ ගිනි නිවන රථයෙහි රියැදුරුවරයා සහ තවත් සේවකයින් තිදෙනෙකු පොලිස් අත්අඩංගුවට ගෙන පසු ව ඇප මත මුදා හැර තිබෙනවා.

ගින්න නිවීමට ගිනි නිවන රථය පැමිණෙන විටත්, එහි රියදුරු බීමත්ව සිටි බවත් හෙළිව තිබෙනවා. සිද්ධිය සම්බන්ධයෙන් අම්පාර පොලිසිය විමර්ශන ක්‍රියාත්මකයි.