මාර්ග අංක 187 කටුනායක – කොළඹ බස් රථ ආරම්භ කර තිබූ වර්ජනය අවසන් කර තිබෙනවා.
ගම්පහ දිස්ත්‍රික් පෞද්ගලික බස් හිමියන්ගේ සංගමයේ සභාපති ලැම්බට් මධුරගේ පැවසුවේ අද (03) බත්තරමුල්ල මාර්ගස්ථ මගී ප්‍රවාහන අධිකාරියේ පැවති සාකච්ඡාවකදී ඇති වූ එකගතා මත මෙම වර්ජනය අවසන් කළ බවයි.
එම සාකච්ඡාවේදී මාර්ග ධාවන කළමනාකාරවරයා එම සේවා ස්ථානයෙන් ඉදිරි සති කීපය තුළදී ඉවත් කිරීමටත්, අතුරු ගමන් වාර අත්හිටුවීමත් එකඟ වී ඇති බවයි වාර්තා වන්නේ.
පෙරේදා (01) සිට කටුනායක සිට ගමන් ආරම්භ කරන මාර්ග අංක 187 කටුනායක ගුවන්තොටුපොළ – කොටුව සුඛෝපභෝගී සහ සාමාන්‍ය බස් රථ, ජා ඇළ – කොටුව, මාර්ග අංක 188 රද්දොළුගම – කොටුව සහ මාර්ග අංක 240/3 කටුනායක – මීගමුව සාමාන්‍ය සේවා බස් රථ ධාවනයේන් ඉවත් විය.