ගාසා තීරයේ රැඳී සිටි ශ්රී ලාංකිකයින් 17 දෙනාගෙන් 11 දෙනෙකු මේ වනවිට ඊජිප්තුවට පැමිණ ඇති බව පලස්තීනයේ ශ්රී ලංකා නියෝජිත කාර්යාලය පවසයි.
රෆා පිවිසුම හරහා ඊජිප්තුවට පැමිණි ඔවුන් මේ වනවිට එරට හෝටලයක රැඳී සිටින බව එම කාර්යාලයේ ප්රධානී බෙනට් කුරේ ප්රකාශ කළේය.
ඔවුන් ශ්රී ලංකාවට එවීම සදහා අවශ්ය කටයුතු ඊජිප්තුවේ ශ්රී ලංකා තානාපති කාර්යාලය විසින් සිදුකරනු ඇති බවයි ඔහු වැඩිදුරටත් සඳහන් කළේ.
ගාසා තීරය තුළ ශ්රී ලාංකිකයින් 17 දෙනෙකු රැඳී සිට ඇති අතර ප්රදේශයේ පවතින අනාරක්ෂිතභාවය හේතුවෙන් ඔවුන්ගෙන් සිව්දෙනෙකුට රැදී සිටින ස්ථානයෙන් ඉවත් වීමට නොහැකි වී තිබුණි.