ආගරපතන, ඩයගම නැඟෙනහිර වතු කම්කරුවන් රුපියල් 20,000ක දීපවාලි අත්තිකාරම් මුදලක් ඉල්ලා ඊයේ (02) වැඩ වර්ජනයක නිරත විය.
ඊයේ පෙරවරුවේ ආගරපතන, ඩයගම නැගෙනහිර තේ කර්මාන්ත ශාලාව ඉදිරිපිටට රැස්වූ කම්කරුවන් දීපවාලි අත්තිකාරම් ලෙස රුපියල් 20,000ක් ඉල්ලා සිටියහ.
පැමිණීමේ අනුපාතයට අනුව දීපවාලි අත්තිකාරම් ලබා දීමේ පුරුද්ද නිසා, කිහිප දෙනෙකුට පමණක් රුපියල් 20,000 ක අත්තිකාරමක් ලැබී ඇති අතර අනෙක් අයට මේ නිසා අපහසුතාවයට මුහුණ දීමට සිදුව තිබේ.
මෙම විරෝධතාව සඳහා ඩයගම, නැගෙනහිර වතුකරයේ වසම් තුනේම සේවකයෝ දෙසියයකට අධික පිරිසක් සහභාගි වූහ.