ආනයනික සීනි බදු ඉහළ දැමීමත් සමඟ වෙළදපොළේ මේ වනවිට සීනි මිල ඉහළ ගොස් තිබේ.
මුදල් අමාත්‍යංශය විසින් ඊයේ (02) සිට ක්‍රියාත්මක වන පරිදි ආනයනික සීනි කිලෝවක් සඳහා ශත 25ක්ව පැවති බද්ද රුපියල් 50ක් දක්වා ඉහළ දමනු ලැබීය.
එම බදු සංශෝධනයත් සමග ලංකා සතොස අලෙවිසැල්වල පවා සීනි කිලෝවක මිල අද (03) උදෑසන වනවිට ඉහළ දමා තිබූ අතර ඇසුරුම් කළ සීනී කිලෝ ග්‍රෑමයක පැකැට්ටුවක මිල දැක්වුනේ රුපියල් 350 ක් ලෙසයි.
සිල්ලර වශයෙන් රුපියල් 320ක මිලකට සීනී කිලෝවක් අලෙවි කරනු ලබන බවයි වාර්තා වන්නේ.