වවුනියාව මහ රෝහලේ විදුලි සෝපානය තුළ වෛද්‍යවරුන් ඇතුළු රෝගින් 11 දෙනෙකු සිර වී ඇති බව වාර්තා වෙයි.
ඊයේ (05) මෙම සිදුවීම සිදු වී ඇති අතර රෝහල් සේවකයන් පැවසුවේ ඔවුන් බේරා ගැනීම සඳහා විනාඩි 40ක පමණ කාලක් ගත වූ බවයි.
අප වාර්තාකරු පැවසුවේ මෙසේ වවුනියාව රෝහලේ විදුලි සෝපානය සිර වී ඇත්තේ මේ වසරේ ගත වූ දින කිහිපය තුළ 14 වතාවට බවයි.
ක්‍රියා විරහිත වන විදුලි සෝපානය හේතුවෙන් රෝහල් සේවකයින් හා රෝහල අසල යුද හමුදා කඳවුරේ හමුදා නිලධාරින්ගේ සහය ඇතිව අසාධ්‍ය රෝගීන් රෝද පුටුවල තබා කර මතින් ගෙන යාමට සිදු වී ඇති බවයි වැඩිදුරටත් වාර්තා වන්නේ.