වැල්ලවාය, තෙලුල්ල ගම්මානයට පැමිණි වනඅලි පැටවෙක් අතරමං වී ඇති බව වාර්තා වෙයි.
අප වාර්තාකරු පැවසුවේ ගම්වාසීන් විසින් අලි පැටවා අල්ලාගෙන වනජීවි නිලධාරීන්ට භාර දුන් බවයි.
වැල්ලවාය, තෙලුල්ල ප්රදේශයට පැමිණි වනඅලි රංචුවක සිටි කුඩා වනඅලි පැටවෙක් අතරමං වී ගම්මානයේ නිවාස අසලට පැමිණ සිටියදී ප්රදේශවාසින් විසින් අල්ලාගෙන තිබේ.
පසුව එම වනඅලි පැටවාට කිරි සහ ආහාර ලබා දී වැල්ලවාය වනජීවි කාර්යාලයේ නිලධාරීන් වෙත භාර දීමට කටයුතු කර ඇති බවයි අප වාර්තාකරු වැඩිදුරටත් පැවසුවේ.
වැල්ලවාය වනජීවි කාර්යාලයේ නිලධාරීන් විසින් වනඅලි පැටවා උඩවළව ඇත් අතුරු සෙවණ වෙත රැගෙන ගොස් ඇති අතර වනඅලි පැටවා යහපත් සෞඛ්ය තත්වයකින් පසුවන බව වනජීවි නිලධාරීන් පවසයි.