පොළොන්නරුව – මැදිරිගිරිය පොලිස් වසමට අයත් පාළු වැව ප්‍රදේශයේදී අද (15) උදෑසන කාන්තාවක් වනඅලි ප්‍රහාරයකට ලක්ව ජීවිතක්ෂයට පත්ව තිබෙනවා.
පොලීසිය පැවසුවේ මෙලෙස ජීවිතක්ෂයට පත්ව ඇත්තේ 50 හැවිරිදි සිව්දරු මවක් බවයි.
ජීවිතක්ෂයට පත් වූ කාන්තාව අද (15) උදෑසන හිඟුරක්ගොඩ ප්‍රදේශයේ වෙළෙඳසැලක සේවයට යන අවස්ථාවේදීයි වනඅලි ප්‍රහාරයට ලක්ව ඇත්තේ.
මේ සම්බන්ධයෙන් මැදිරිගිරිය පොලිසිය වැඩිදුර විමර්ශන ආරම්භ කර තිබෙනවා.