සුඛෝපභෝගී මගී නෞකාවක් වන පැසිෆික් වර්ල්ඩ් නෞකාව අද (20) අලුයම කොළඹ වරායට සේන්දු වී තිබේ.
ඊජිප්තුවේ සිට පැමිණි මෙම නෞකාව මගීන් 1691 දෙනෙකු සහ කාර්ය මණ්ඩලයේ 704 දෙනෙකු සමඟ පැමිණෙයි.
මෙම නෞකාවේ ජපන් සහ චීන මගීන් වැඩි පිරිසක් සිටින අතර ඔවුන් කොළඹ, ගාල්ල සහ මහනුවර ප්‍රදේශවල සංචාරය කිරිමට නියමිත බවයි වාර්තා වන්නේ.
පැනමා ධජය යටතේ පැමිණි පැසිෆික් වර්ල්ඩ් නෞකාව අද රාත්‍රියේ මැලේසියාව බලා පිටත්ව යාමට නියමිතය.