කිලිනොච්චි දිස්ත්‍රික්කයේ A9 මාර්ගයේ අනතුරුදායක ගස් 46ක් සම්පූර්ණයෙන් ඉවත් කිරීමේ කටයුතු අද අවසන් කෙරුණා.
එම මාර්ගයේ අනතුරුදායක ගස් 57ක් හඳුනාගෙන ඇති අතර ඉන් ගස් 46ක් සම්පූර්ණයෙන් ඉවත් කර තිබේ. අනික් ගස් 11ක අනතුරුදායක අතු ඉවත් කිරීමටයි පියවර ගෙන ඇත්තේ.
රජයේ දැව සංස්ථාව විසින් සිදුකරන ලද මෙම මෙහෙයුම සඳහා රථවාහන පොලිසිය, විදුලිබල මණ්ඩල සේවකයින්, මාර්ග සංවර්ධන අධිකාරිය, ප්‍රාදේශීය සභා මන්ත්‍රීවරුන් සහ දිස්ත්‍රික් ආපදා කළමනාකරණ ඒකකයද සහයෝගය ලබා දී ඇත.
මේ අතර කිලිනොච්චිය මහා විද්‍යාලය ඉදිරිපිට සහ මාර්ගයේ දක්නට ලැබෙන අනතුරුදායක ගස් සහ අතු ඉවත් කිරීමේ කටයුතු ලබන සතියේ ආරම්භ කරන බවයි රජයේ දැව සංස්ථාවේ නිලධාරීන් පවසා ඇත්තේ.
