හිඟයකින් තොරව ඖෂධ සැපයීමට උපරිම කැපවීමෙන් කටයුතු කරන බවත් නියමිත වේලාවට ප්‍රමිතියෙන් යුත් ඖෂධ ගෙන්වීමට කටයුතු කරන බවත් නව සෞඛ්‍ය ලේකම් විශේෂඥ වෛද්‍ය පාලිත මහීපාල පැවසීය.
සෞඛ්‍ය ලේකම්වරයා මේ බව කියා සිටියේ ඊයේ (20) වැඩ භාර ගැනීමෙන් අනතුරුව සෞඛ්‍ය බලධාරීන් සමග පැවති සාකච්ඡාවකදීය.
එහිදී වැඩිදුරටත් අදහස් දක්වමින් ලේකම්වරයා පැවසුවේ සෞඛ්‍ය අමාත්‍යාංශය විසින් ජනතාව වෙත ලබාදෙන සේවා කාර්යක්ෂමව සහ ජනතාවාදීව ලබාදීම වෙනුවෙන් උපරිම අවධානය යොමු කරන බවයි.