පාර්ලිමේන්තුව තුළ සිදුවන දෑ ජංගම දුරකථන හෝ විද්‍යුත් උපකරණ භාවිතයෙන් පටිගත කිරීම සහ ඒවා විද්‍යුත් මාධ්‍ය හෝ සමාජ මාධ්‍ය වෙත මුදාහැරීමට කිසිඳු අවසරයක් නොමැති බව කථානායක මහින්ද යාපා අබේවර්ධන අද (21) පාර්ලිමේන්තුවට දැනුම් දුන්නා.
ඒ අනුව මින් ඉදිරියට කිසිවෙකු හෝ එවැනි ආකාරයෙන් කටයුතු කළහොත් ඒ සම්බන්ධයෙන් විනයානුකූල පියවර ගන්නා බවයි කථානායකවරයා කියා සිටියේ.
මේ අතර විපක්ෂනායකවරයා ප්‍රශ්නයක් අසන අවස්ථාවේ දී ඊට බාධා කළ සනත් නිශාන්ත ඇතුළු ආණ්ඩුවේ මන්ත්‍රීවරුන්ට එරෙහිව වින්‍යානුකූල පියවර ගන්නා ලෙස විපක්ෂයේ ප්‍රධාන සංවිධායක ලක්ෂ්මන් කිරිඇල්ල කථානායකවරයාගෙන් ඉල්ලා සිටියා.
ඊට පිළිතුරු ලබාදෙමින් කථානායකවරයා පැවසුවේ මේ සම්බන්ධයෙන් පරීක්ෂණයක් සිදුකරන බවයි.