යෝජිත විදුලි බල ප්‍රතිසංස්කරණ පනත් කෙටුම්පතට අමාත්‍ය මණ්ඩලයේ අනුමැතිය හිමිව තිබෙනවා.
විදුලි බල හා බලශක්ති අමාත්‍ය කංචන විජේසේකර සිය එක්ස් ගිණුමට පණිවුඩයක් නිකුත් කරමින් ඒ බව සඳහන් කළා.
නව පනත් කෙටුම්පත ගැසට් කර අනුමැතිය ලබාගැනීම සඳහා පාර්ලිමේන්තුවට ඉදිරිපත් කිරීමට නියමිත බව බලශක්ති අමාත්‍යවරයා වැඩිදුරටත් සඳහන් කරන්නේ.
ඒ අනුව පාර්ලිමේන්තු අනුමැතිය ලැබීමෙන් අනතුරුව ලංකා විදුලි බල මණ්ඩලය ප්‍රතිව්‍යූහගතකරණය කිරීම සිදුවන අතර ජනනය, සම්ප්‍රේෂණය සහ බෙදාහැරීම පුද්ගලික අංශයේ සහභාගීත්වය යටතේ සිදුකිරීමට නියමිතයි.