සැප්තැම්බර් මාසයට අදාළ රුපියල් මිලියන 8571ක අස්වැසුම ගෙවීම් බැංකු වෙත ලබාදී ඇති බව මුදල් රාජ්‍ය අමාත්‍ය ෂෙහාන් සේමසිංහ පැවසීය.
රාජ්‍ය අමාත්‍යවරයා වැඩිදුරටත් සඳහන් කළේ පවුල් දහතුන් ලක්ෂ 77,000 කට එම අස්වැසුම ගෙවීම් ලබාදී ඇති අතර එම මුදල් හෙට සිට ප්‍රතිලාභීන්ගේ ගිණුම්වලට බැර කිරීමට නියමිත බවයි.
අස්වැසුම අභියාචනා සහ විරෝධතා සමාලෝචනය අවසන් වූ පසු තෝරා ගත් පුද්ගලයින්ට ජූලි මාසයේ සිට බලපැවැත්වෙන පරිදි ප්‍රතිලාභ ගෙවීමට සැලසුම් කර ඇති බවත් ඔහු කියා සිටියේය.